Ne paar wekke terugge ,um precies te weazen op 6 meart ginge wi’j met een eets kleiner tröpke as gewoonluk wear richting Lechtenvoorde veur de joarlukse “Battle”pingpong’n. KSV Vroagender tegen Litac Lechtenvoorde.
Dat de leu uut Vroagender de schrik nog in de bene zat van de nederlaag van veurig joar blik wal an ’t aantal gegadigden uut ’t karkdorp. Amper 14 woaghalzen hadd’n ’t lef um ten strijde te trekk’n noar de Zandschoppe in de Keistad. ’t Enigste wat wi’j wal zeker wisten was dat bi’j aankomst ne goeie komme koffie met ne plate cake kloar stond en hoe de rest van de oavend zol verlop’n werd een paar uur later pas dudeluk.
Veurig joar hebbe wi’j Annie nog op de blote kniene smeekt um ons ne paar punten veursprong te geven moar deur dee oarontstekking dee ze toen had is dat jammer genog neet oaver’ekommen (klopt heeeelemaaaal niet ze hebben 2 punten voorsprong gehad, red. Litac). Dat blik wal wear an de uutslag van dizzen oavend, ’t was nameluk 51 veur Litac en 39 veur KSV.
Kort samengevat betekent dat ’t volgende veur Vroagender: gin wisselbeker, veur 2015 hooguut nog ne man of zesse oaver met lef. Veur Lechtenvoorde betekent dit: een flesken oordruppels uut’espoard en een joar lang de ere van het in ’t bezit hebb’n van de melkbusse. Toch proficiat en tut volgend joar,good goan.
Jos B. spöller van KSV.
